詞曲：葉俊麟
憂悶的閃熾 憂悶的閃熾 看見黃昏的天星
宛然是毋甘叫阮 離開夜港墘
再會毋知等何時 惦在阮身邊
難分難離珠淚滴 心愛的女兒
請你毋通來傷悲 好好過日子
雙人在港邊 雙人在港邊 見面已經是一年
今夜的送別情話 更加糖蜜甜
你也知阮心稀微 毋甘來分離
若到他鄉阮也是 會來思念你
最好希望你原諒 海上的男兒
流對彼平去 流對彼平去 又是一粒的流星
引起阮心情寂寞 不覺珠淚滴
雖然你我心酸悲 離開是暫時
咱若無來放忘記 纏綿好情意
將來總會照期待 快樂結情義
- 专辑：梦中情网
- 歌手：秀兰玛雅
- 歌曲：惜别夜港边
