牡丹亭驚夢 (遊園驚夢)
麗娘唱) 一生愛好是天然, 恰三春好處無人見, 哎吔, 蝴蝶雙雙去那邊.
春香白:) 小姐呀, 飛左上去蓮藕塘啦.
麗娘白) 哦, 哎吔.
麗娘唱) 銀塘初放並頭蓮, 並頭蓮暗香生水殿.
春香白:) 小姐呀, 不是荷香, 乃係一棵大梅樹呀!
麗娘白:) 係呀, 哎吔, 春香呀, 我有個願望唧.
春香白:) 妳有個願望呀, 妳願乜野呢小姐.
麗娘白:) 我呀, 唔.
麗娘唱) 我願死後青墳倩梅遮掩.
春香白:) 哎吔, 大吉利是囉.
麗娘唱) 良辰美景, 奈何天, 賞心樂事誰家院. 燕子來時百花鮮, 待等花落春殘又飛遠.
春香白:) 哎吔...小姐唔好啦點解妳盡是傷春之句唧,
麗娘白:) 唉, 觸景生情, 怎不教人如此呢.
春香白:) 哎吔, 妳唔好講啲咁嘅說話嗱, 小姐呀, 妳睇吓幾好天色呀.
春香唱) 良辰美景有情呀..天, 傷春易令蠻腰損.
春香白:) 哎吔, 小姐呀個便有個韆鞦喎, 不如妳蕩下韆鞦仲好啦.
麗娘白:) 哦, 係呀.
麗娘唱) 柳外梅旁有花韆, 蕩上東牆, 我喚取春回轉,
春香白:) 好嗱、好嗱, 小姐佢玩得咁開心喎, 等我去話比亞老夫人知道至得,
麗娘詩白:) 默地遊春轉, 小試宜春面, 得共兩流連, 春去如何遣呢. 春香呀...春香. 哎吔, 春香又唔知行咗去邊度嗱,唉, 蘭閨繡罷, 常觀詩詞樂府, 古來女子都每多困感春情, 又怎怪她遇秋成恨呢...我麗娘生於宦族 長在名門, 末逢折桂之夫, 屢受嚴親管教, 越是驚春, 越覺春慵, 困人若醉呀...我埋個亭個度抖下至得.
夢梅唱) 三生約情發心生如繫線, 似輕煙, 吹落閑庭雅苑, 人睡呀牡丹前. 香霧鎖, 待抱花眠, 欲了姻緣, 折柳亭中相見.
麗娘白:) 哎吔... 哦...
夢梅白:) 小姐, 我已在妳跟前下拜噃, 點解妳遮住個面, 背轉嬌軀, 總唔答我半聲呀, 小姐有禮.
麗娘白:) 哎吔, 蘭閨淑女, 自負千金之軀, 寂莫荒園, 例不見陌生之客, 況彼此素昧生平, 寧可不以扇遮面呢.
夢梅白:) 哈..哈, 小姐妳呢把檀香寶扇遮得咁高, 只係遮住妳嘅花鈿翠頰咋, 其實妳嘅玲瓏俏眼呀, 在扇縫中早已對我暗把情傳啦.
麗娘白:) 哎吔.
夢梅白:) 哈..哈, 小姐乜妳望住個藕蓮塘, 點解唔回身睇下我呀....
麗娘白:) 哎吔, 邊個要睇你唧, 我不過在看點水蜻蜓, 沉醉銀塘吐艷咋.
夢梅白:) 小姐, 山雨未來焉有蜻蜓點水呀, 妳睇得咁入神, 呀, 妳想借銀塘水中鏡, 反影妳身後嘅美少年哩.
麗娘白:) 哈,...哎吔, 秀才郎站開些.
夢梅白:) 小姐,..所謂佳人應有折桂之夫, 淑女寧無鸞鳳之配呢, 又何苦要諸多回避呢.
麗娘白:) 咁...咁不回避又有何說話呢.
夢梅白:) 哎..吔, 好啦, 好啦, 小姐正正式式睬下我啦卦.
夢梅口古:) 小姐, 我正在花園之內折取垂楊半枝, 素知小姐妳博通書史, 能否以詩題柳線呀.
麗娘白:) 哦...哦, 好, 如此麗娘獻醜呀.
夢梅白:) 好說.
麗娘口古:) 煙鎖池塘柳, 青青曳岸邊, 忽逢君採折, 低徊著意憐.
夢梅白:) 哎吔, 哎小姐妳才高呀,
麗娘白:) 過獎,
夢梅白:) 才高.
夢梅唱) 則為妳如花美眷, 似水流年, 誰向幽閨憐寂莫, 妳莫憑羞怯, 誤了良緣. 初初相見, 妳芍葯欄杆低倚偏, 初初相見, 妳幾度回嗔羞掩扇, 翠袖偷牽, 妳半嚮無言, 在紅梅樹下, 背倚郎前, 哎吔柳蔭有花淚濺.
麗娘唱) 十二載守樓東, 長在花蔭課女紅, 簾阻秋波, 都未睹兒郎面, 今羞下牡丹亭, 轉入花間路, 芳心留不住, 細碎嘅小金蓮, 我不是白陽花, 更不是野荼薇, 陌上梅, 秋後扇, 我好比翠柳頰銀瓶, 若非觀音憐俗客, 誓難偷一滴灑向郎前, 楊柳枝都已酬詩, 君呀你莫吐柔詞污辱了花台殿.
夢梅唱) 共妳情結牡丹緣, 小生偷偷把翠袖牽.
麗娘唱) 哎吔, 被那情劫也堪憐, 擔驚書生你態度冤.
夢梅唱) 有花堆密柳遮春燕, 呢花間路有相思店呀.
麗娘唱) 唔, 你聽下鳥驚喧, 我拍花枝一下會劃破我芙蓉面.
夢梅唱) 柳底春鶯歌聲薦, 佢話西廂咫尺有路線喎.
麗娘唱) 花間深處我未見, 慚看春鶯撲翼喧.
夢梅唱) 繞過了芍葯欄邊, 靠緊著湖山石暖, 穿過了絲絲楊柳, 踏遍了艷呀..艷花呀..阡. 不在梅邊在柳邊. 拂柳分花, 荼薇外煙絲醉軟......
(花神白:) 花神出處起青煙, 尚有惜花事未完, 落花驚醒蘭閨女, 再續餘歡, 待三年.
夢梅唱) 哎吔, 可憐夢被花驚呀閃,
麗娘唱) 嬌慵更怯落花天.
夢梅唱) 呀, 花亭有瓦能遮掩呀.
麗娘唱) 牡丹無主伴愁眠.
夢梅唱) 我回頭再看如花面呀.
麗娘唱) 哎吔, 我忙把羞痕壓枕邊.
夢梅唱) 落花未許長相戀呀, 長相戀.
- 专辑：牡丹亭惊梦
- 歌手：任剑辉
- 歌曲：游园惊梦
